واشنگٹن: امریکا میں رواں ہفتے بڑے طوفان کی پیش گوئی کی گئی ہے جس کے نتیجے میں لاکھوں افراد کے متاثر ہونے کا خدشہ ہے۔

غیر ملکی خبر رساں ادارے کے مطابق رواں ہفتے امریکی ریاست ٹیکساس سے ورجینیا تک وسیع طوفانی نظام کی نشاندہی کی گئی ہے جس کے نتیجے میں سیلاب اور برف باری کا خطرہ ہے۔

ٹیکساس سے ورجینیا تک طوفان سے 50 ملین سے زیادہ لوگ متاثر ہو سکتے ہیں کیونکہ اوہائیو، کینٹکی اور انڈیانا کے کچھ حصوں میں شدید بارش کا خطرہ ہے۔

یہ بھی پڑھیں: بھارت میں مودی سرکار کے خلاف ریلی میں ہزاروں افراد کی شرکت

واضح رہے کہ اوہائیو میں 10 سال سے زیادہ عرصے میں اس شدت کے طوفان کی وارننگ نہیں ملی ہے۔ وسطی اور مشرقی علاقوں میں 1500 میل کے علاقے میں 60 سے 80 میل فی گھنٹہ کی رفتار سے تیز بارش اور نقصان دہ ہواؤں کی توقع ہے۔

امریکی حکام نے شہریوں کو احتیاطی تدابیر اختیار کرنے کی ہدایات جاری کرتے ہوئے کہا کہ عوام تیزی سے بدلتے ہوئے موسمی حالات پر نظر رکھیں کیونکہ طوفان کا رخ تبدیل ہوسکتا ہے۔