نئی دہلی: بھارت میں بدعنوانی کے الزامات کا سامنا کرنے والے سیاستدان بنجمن باسو ماتری کی کرنسی نوٹوں پر سوئے ہوئے ایک تصویر سوشل میڈیا پر وائرل ہو گئی ہے۔

غیر ملکی خبر رساں ادارے کے مطابق بھارتی ریاست آسام میں کرپشن کے الزامات کا سامنا کرنے والے بھارتی سیاستدان بنجمن باسو ماتری کی نوٹوں کے ڈھیر پر سوتے ہوئے تصویر سامنے آئی ہے۔

تصویر میں بھارتی سیاستدان کو 500 بھارتی روپے کے نوٹوں کے ڈھیر پر سوتے ہوئے دیکھا جا سکتا ہے جب کہ انہوں نے کچھ نوٹ اپنے اوپر بھی رکھے ہیں۔

یہ بھی پڑھیں: میکسیکو: جنگلات میں لگی آگ 18 ریاستوں میں پھیل گئی۔

بھارتی ریاست آسام میں خود مختار ڈویژن بڈولینڈ کے رہنما بنجمن بسوماتری پر وزیر اعظم ہاؤسنگ اسکیم اور دیہی جاب اسکیم میں بڑے پیمانے پر بدعنوانی کا الزام لگایا گیا ہے جس کا انہیں سامنا ہے۔

دوسری جانب بنجمن بسوماتری (یو پی پی ایل) کی جماعت نے ایک بیان میں واضح کیا کہ بنیامین کا اب پارٹی سے کوئی تعلق نہیں ہے اور ان کی رکنیت 10 جنوری 2024 کو معطل کردی گئی تھی۔