اسلام آباد، 27 مارچ (اے پی پی) وزیر خارجہ اسحاق ڈار کو بدھ کو اردن کے نائب وزیراعظم اور وزیر خارجہ ایمن صفادی نے ٹیلی فون کیا۔

وزیر خارجہ ڈار نے اپنی ایکس ٹائم لائن پر لکھا کہ گفتگو میں انہوں نے غزہ کی صورتحال پر تبادلہ خیال کیا اور اسرائیلی بربریت کی مذمت کی۔

دونوں رہنماؤں نے غزہ میں امداد کی بلا تعطل فراہمی پر بھی زور دیا۔

انہوں نے کہا کہ میں اردن کے ساتھ اپنے دوطرفہ تعلقات کو کثیر الجہتی شراکت داری میں تبدیل کرنے کے لیے اردنی وزیر خارجہ کے ساتھ مل کر کام کرنے کا منتظر ہوں۔