چیئرمین پی ٹی آئی بیرسٹر گوہر نے کہا ہے کہ پی ٹی آئی بانی کی رہائی کے لیے خیبرپختونخوا میں بڑا اجلاس ہوگا۔

میڈیا سے گفتگو کرتے ہوئے بیرسٹر گوہر نے کہا کہ اس ملاقات کا عنوان قیدی 804 کی رہائی ہو گا، اس ملاقات کی تاریخ کا اعلان بھی چند روز میں کر دیا جائے گا۔

پنجاب میں ہمارے پارلیمانی لیڈر میاں اسلم اقبال، زلفی بخاری سینیٹ کے امیدوار ہوں گے، سابق چیئرمین پی ٹی آئی سے سینیٹ الیکشن پر بھی بات ہوئی۔

تحریک انصاف کے بیرسٹر گوہر بلامقابلہ چیئرمین، عمر ایوب جنرل سیکرٹری منتخب

ان کا مزید کہنا تھا کہ زلفی بخاری کی اپیل ناکام ہونے کی صورت میں علامہ راجہ ناصر سینیٹ کے امیدوار ہوں گے، علامہ راجہ ناصر کے علاوہ تمام امیدوار کاغذات نامزدگی واپس لے لیں گے، جب کہ فیض الرحمان اور شفقت ایاز بھی خیبرپختونخوا میں سینیٹ کے امیدوار ہوں گے۔

بیرسٹر گوہر نے کہا کہ اعظم سواتی سینیٹ کی ٹیکنو کریٹ نشست پر ہمارے امیدوار ہوں گے، اعظم سواتی کی اپیل پر اختلاف ہونے پر نور الحق ٹیکنوکریٹ کی نشست پر امیدوار ہوں گے۔

وزیر اعلیٰ علی امین کرپشن کریں گے تو اینٹ کون مارے گا؟ فیصل کریم کنڈی

انہوں نے کہا کہ ڈونلڈ لو کے بیان پر سابق چیئرمین پی ٹی آئی سے بات ہوئی، ہم نے مطالبہ کیا کہ اسد مجید بھی آئیں اور بیان دیں، ڈونلڈ لو نے کیا الفاظ استعمال کیے، اسد مجید بتائیں کن الفاظ کا تبادلہ ہوا۔ .