16 مارچ (اے پی پی) وفاقی وزیر اطلاعات و نشریات عطاء اللہ تارڑ نے ہفتہ کو شمالی وزیرستان میں دہشت گرد حملے کی شدید مذمت کی ہے۔

ایک بیان میں وزیر نے دہشت گردی کے حملے میں شہید ہونے والے پاک فوج کے افسروں اور جوانوں کو خراج عقیدت پیش کیا۔ انہوں نے شہید کے اہل خانہ سے اظہار تعزیت کرتے ہوئے کہا کہ حکومت ان کے اہل خانہ کے ساتھ کھڑی ہے۔

عطاء اللہ تارڑ نے کہا کہ سیکورٹی فورسز پر حملہ ایک بزدلانہ اور قابل مذمت عمل تھا۔

انہوں نے کہا کہ پاک فوج کے بہادر جوان ملکی سلامتی کے لیے اپنی جانوں کا نذرانہ پیش کر رہے ہیں، ان کی قربانیوں کو ہمیشہ یاد رکھا جائے گا۔

وزیر نے سرزمین سے دہشت گردی کی لعنت کو جڑ سے اکھاڑ پھینکنے کے حکومتی عزم کا اعادہ کیا۔

انہوں نے کہا کہ حکومت عوام کی حمایت سے دہشت گردی کے مکمل خاتمے کے لیے ہر قدم اٹھائے گی۔