راولپنڈی (92 نیوز) شمالی وزیرستان میں جمعہ کو دہشت گردوں کی موجودگی کی اطلاع پر انٹیلی جنس بیسڈ آپریشن میں 4 دہشت گرد مارے گئے۔

آپریشن کے دوران پاک فوج کے جوانوں اور دہشت گردوں کے درمیان شدید فائرنگ کا تبادلہ ہوا۔ جس کے نتیجے میں چار دہشت گردوں کو جہنم واصل کر دیا گیا۔

مارے گئے دہشت گردوں سے اسلحہ، گولہ بارود اور دھماکہ خیز مواد بھی برآمد ہوا ہے جو علاقے میں دہشت گردی کی متعدد کارروائیوں میں سرگرم رہے۔

علاقے میں پائے جانے والے کسی دوسرے دہشت گرد کو ختم کرنے کے لیے صفائی کا آپریشن کیا جا رہا ہے۔ علاقے کے مقامی لوگوں نے آپریشن کو سراہا اور دہشت گردی کی لعنت کے خاتمے کے لیے بھرپور تعاون کا اظہار کیا۔