لاہور (92 نیوز) لاہور کے نجی ہوٹل میں ماضی کے نامور گلوکاروں اور فنکاروں کو خراج تحسین پیش کرنے کے لیے شاندار تقریب کا انعقاد کیا گیا جس میں نامور گلوکاروں نے اپنی آواز کا جادو جگایا۔

EMI میوزک کمپنی نے اپنے پلیٹ فارم سے موسیقی سے وابستہ فنکاروں میں ان کی فنکارانہ صلاحیتوں کی بنیاد پر چیک تقسیم کئے۔

تقریب میں گلوکارہ حمیرا چنہ، طارق طافو، انور رفیع، عمران شوکت علی موسیقار طافو، اداکارہ ناشو بیگم، تنویر آفریدی اور دیگر نے شرکت کی۔ فنون لطیفہ سے وابستہ شخصیات کو ان کی خدمات کے اعتراف میں چیک بھی دیئے گئے۔

تقریب میں گلوکار عمران شوکت علی اور حمیرا چنہ نے بھی اپنے پسندیدہ گانے گائے۔