لاہور (92 نیوز) پاکستانی اسٹار عمران عباس کی نئی رومانوی کامیڈی فلم ’جیوے سوہنیا جی‘ کو سنسر بورڈ سے گرین سگنل مل گیا۔

کلیئرنس کے بعد فلم کو سینما گھروں میں ریلیز کر دیا گیا ہے۔ سپر ہٹ گانوں اور دلچسپ کہانی سے سجی فیملی کامیڈی فلم کی شوٹنگ یورپ کی خوبصورت لوکیشنز پر کی جا رہی ہے۔ یہ فلم ڈسٹری بیوشن کلب کی طرف سے پیش کی گئی ہے جو پاکستان میں فلم کے شائقین کو معیاری تفریح ​​فراہم کرنے کے لیے پرعزم ہے۔

‘جی وے سوہنیا جی’ میں سمی چاہل کے مدمقابل عمران عباس اداکاری کر رہے ہیں، جبکہ دیگر کاسٹ میں منٹو کپا، ادیا وکاتی، امان بال اور سوراج سندھو شامل ہیں۔

اسٹار گلوکار عاطف اسلم کے گائے ہوئے ٹائٹل ٹریک کو اب تک سوشل میڈیا پر 60 لاکھ سے زائد افراد دیکھ چکے ہیں اور پسند کر چکے ہیں۔ فلم ‘جیوے سوہنیا جی’ کی کہانی پاکستانی اور بھارتی پنجاب کے لوگوں کے درمیان محبت پر مبنی ہے۔ فلم میں عمران عباس کا کردار ایک پاکستانی پنجابی کا ہے جسے ایک بھارتی پنجابی لڑکی سے پیار ہو جاتا ہے۔

ڈسٹری بیوشن کلب کے ایگزیکٹو ڈائریکٹر شیخ عابد رشید نے کہا کہ معیاری پروڈکشن، سپر ہٹ گانوں اور تازہ جوڑی پر مبنی فلم ‘جیوے سوہنیا جی’ ناظرین کو معیاری تفریح ​​فراہم کر رہی ہے۔